இயக்குனர் அருண் மாதேஸ்வரன் இயக்கத்தில் ராக்கி, சாணிக்காயிதம் ஆகிய படங்களை தொடர்ந்து மூன்றாவதாக உருவாகி வரும் படம் கேப்டன் மில்லர். தனுஷ் கதாநாயகனாக நடித்து வரும் இந்த படம், இந்தியா சுதந்திரம் பெறுவதற்கு முந்தைய காலகட்டத்தில் நிகழும் கதையாக உருவாகி வருகிறது.
இந்த படத்தில் கதாநாயகியாக பிரியங்கா மோகன் நடிக்கிறார். மிக முக்கியமான கதாபாத்திரத்தில் கன்னட முன்னணி நடிகர் சிவராஜ்குமார் நடித்து வருகிறார். இவர் இதற்கு முன்னதாக சூப்பர் ஸ்டார் ரஜினிகாந்த் நடித்த படம் ஜெயிலர் திரைப்படத்திலும் முக்கிய கதாபாத்திரத்தில் நடித்துள்ளார்.
அப்போதே தனுஷின் கேப்டன் மில்லர் படத்தில் நடிக்கவும் வாய்ப்பு வந்தது. சமீபத்தில் ஜெயிலர் படத்தில் நடித்து முடித்த சிவராஜ்குமார் தற்போது கேப்டன் மில்லர் பிடிப்பையும் நிறைவு செய்துள்ளார்.
இந்த படத்தில் இவர் தனுஷுக்கு அண்ணனாக நடிக்கிறார் என்று சொல்லப்படுகிறது. தற்போது படப்பிடிப்பை நிறைவு செய்துள்ள சிவராஜ்குமார் படக்குழுவினரிடம் இருந்து விடைபெற்று கிளம்பியுள்ளார்.