நெல்சன் திலீப்குமார் இயக்கத்தில் சூப்பர்ஸ்டார் ரஜினிகாந்த் நடித்து வந்த ஜெயிலர் படத்தின் படப்பிடிப்பு கடந்த சில நாட்களுக்கு முன்பு நிறைவடைந்தது. இதைத்தொடர்ந்து அவர் ஏற்கனவே தனது மகள் ஐஸ்வர்யா ரஜினிகாந்த் இயக்கி வந்த லால்சலாம் படத்தின் படப்பிடிப்பில் கலந்துகொண்டு நடிக்க தொடங்கினார்.
மும்பையில் சில நாட்கள் நடைபெற்ற இந்த படத்தின் படப்பிடிப்பு பின்னர் சென்னையில் நடைபெற்றது. தற்போது புதுச்சேரியில் இந்த படத்தின் படப்பிடிப்பு கடந்த சில நாட்களாக நடைபெற்று வருகிறது. இங்கு ஏராளமான ரசிகர்கள் திரண்டு ஒவ்வொரு நாளும் சூப்பர் ஸ்டார் ரஜினிகாந்த் படப்பிடிப்பிலிருந்து செல்லும்போது அவரைப் பார்த்து ஆரவாரமாக உற்சாகப்படுத்தி வருகின்றனர்.
இந்த நிலையில் புதுச்சேரி சட்டசபை சபாநாயகர் ஆர் செல்வம் தனது மகள் ஜனனியுடன் லால்சலாம் படப்பிடிப்பு தலைப்பிற்கு நேரில் வந்து சூப்பர் ஸ்டார் ரஜினிகாந்தை சந்தித்து மகிழ்ந்துள்ளார். இதுகுறித்த புகைப்படம் ஒன்று தற்போது சோசியல் மீடியாவில் வெளியாகி உள்ளது.