லோகேஷ் கனகராஜ் இயக்கத்தில் விஜய் நடித்துவரும் லியோ படத்தின் படப்பிடிப்பு விறுவிறுப்பாக நடைபெற்று வருகிறது. அக்டோபர் 19ஆம் தேதி இந்த படம் ரிலீஸ் ஆக இருக்கிறது என முன்கூட்டியே தேதியை அறிவித்து விட்டதால் திட்டமிட்டபடி படப்பிடிப்பை ஜருராக நடத்தி வருகிறார் லோகேஷ் கனகராஜ்.
திரிஷா கதாநாயகியாக நடிக்கும் இந்த படத்தில் பாலிவுட் நடிகர் சஞ்சய் தத வில்லனாக நடித்து வருகிறார். அனிருத் இசையமைத்து வரும் இந்த படத்தில் கௌதம் மேனன், மிஷ்கின் உள்ளிட்ட மிகப்பெரிய நட்சத்திர பட்டாளமே இடம்பெற்றுள்ளது.
அவ்வப்போது இந்த படத்தின் அப்டேட்டுகளை படக்குழுவினர் கொடுத்து வரும் நிலையில் வரும் ஜூன் 22 ஆம் தேதி விஜயின் பிறந்தநாள் வருகிறது. அன்றைய தினம் லியோ படத்தில் இருந்து ஏதாவது ஸ்பெஷலாக தங்களுக்கு கிடைக்கும் என ரசிகர்கள் சில நாட்களாகவே எதிர்பார்த்து வருகின்றனர்.
அவர்கள் எதிர்பார்ப்பை நிறைவேற்றும் வகையில் இந்த படத்தில் இருந்து நா ரெடி என ஒரு பாடலை வெளியிட உள்ளனர். கையில் துப்பாக்கியுடன் விஜய் நிற்கும் போஸ்டர் ஒன்றையும் வெளியிட்டுள்ளனர். அனேகமாக இந்த பாடல் படத்தின் ஓபனிங் பாடலாக கூட இருக்க வாய்ப்பு உள்ளது என்று தெரிகிறது. விஜய் ரசிகர்கள் இந்தப் பாடலை வரவேற்க இப்போது இருந்தே உற்சாகமாக தயாராகி வருகின்றனர்.