மைனா படம் மூலம் புகழ் வெளிச்சத்திற்கு வந்ததுடன் தனது நடிப்புத் திறமையையும் வெளிப்படுத்தியவர் நடிகர் விதார்த். திரையுலகில் நுழைந்ததில் இருந்து தற்போது பத்து வருடங்களுக்கு மேல் கடந்துவிட்டார். கடந்த சில வருடங்களாக நல்ல கதைய அம்சம் கொண்ட படங்களாக தேர்ந்தெடுத்து நடித்து ரசிகர்களின் பாராட்டுகளையும் பெற்று வருகிறார். குறிப்பாக குரங்கு பொம்மை படத்தில் அவரது நடிப்பிற்கு மிகப்பெரிய பாராட்டுகள் கிடைத்தன.
இந்த நிலையில் தற்போது லாந்தர் என்கிற புதிய படத்தில் நடிக்கிறார் விதார்த். இந்த படத்தை சாஜி சலீம் என்பவர் இயக்குகிறார். இவர் முண்டாசுப்பட்டி, ராட்சசன், கட்டா குஸ்தி உள்ளிட்ட திரைப்படங்களில் உதவி இயக்குனராக பணியாற்றியவர்.
விடியும் வரை காத்திரு என்கிற திரைப்படத்தில் இவர் ஏற்கவே இயக்கியுள்ளார் அந்த படம் வெளியாவதற்கான வேலைகள் நடைபெற்று வருகின்றன,
இந்த லாந்தர் படத்தில் விதார்த்துக்கு ஜோடியாக சுவேதா டோரத்தி என்பவர் நடிக்கிறார். முக்கிய வேதங்களில் சஹானா கவுடா உள்ளிட்டோர் நடிக்கின்றனர்.
பரபரப்பான புதுமையான சஸ்பென்ஸ் திரில்லராக புதிய கோணத்தில் இந்த படம் உருவாக உள்ளது. சமீபத்தில் இந்த படத்தின் துவக்க விழா பூஜை நடைபெற்றது.
லாந்தர்’ திரைப்படத்தின் ஒளிப்பதிவை ஞானசௌந்தர் கையாள உள்ள நிலையில், பிரபல இசையமைப்பாளர் சந்தோஷ் நாராயணனிடம் உதவியாளராக பணிபுரிந்த பிரவீன் இசையமைக்கிறார். படத்தொகுப்பை ஜெரோம் ஆலனும், சண்டைக் காட்சிகளை விக்கியும் கவனிக்கின்றனர்.
லாந்தர்’ திரைப்படத்தின் படப்பிடிப்பு விரைவில் தொடங்கி கோயம்புத்தூரில் ஒரே கட்டமாக நடைபெற உள்ளது.