கடந்த வருடம் அருள்நிதி நடிப்பில் த்ரில்லர் கலந்த இன்வெஸ்டிகேஷன் படமாக வெளியான படம் டைரி. இந்த படம் விமர்சன ரீதியாக பாராட்டுக்களை பெற்றதுடன் வசூல் ரீதியாகவும் வெற்றி படமாக அமைந்தது.
இந்த படத்தை அறிமுக இயக்குனர் இன்னாசி பாண்டியன் என்பவர் இயக்கி இருந்தார். இந்த படத்தின் வெற்றியை தொடர்ந்து அவருக்கு உடனடியாக லெமன் ஸ்டுடியோஸ் என்கிற நிறுவனம் தனது தயாரிப்பில் ஒரு படத்தை இயக்கும் வாய்ப்பை அளித்தது.
அது குறித்த வேலைகள் நடந்து கொண்டிருக்கும் நிலையில் டைரி படத்தை தயாரித்த தயாரிப்பாளர் 5 ஸ்டார் கதிரேசன் மீண்டும் தான் தயாரிக்க இருக்கும் படத்திற்கு இன்னாசி பாண்டியனையே இயக்குனராக ஒப்பந்தம் செய்துள்ளார்.
இப்படி ஒரு தயாரிப்பாளர் மீண்டும் அதே இயக்குனரை அழைத்து வாய்ப்பு கொடுப்பதும் ஒரு இயக்குனருக்கு தயாரிப்பாளர்கள் போட்டி போட்டு வாய்ப்பு கொடுப்பதும் என இன்னாசி பாண்டியன் திரையுலகில் பலருக்கும் ஆச்சரியத்தை ஏற்படுத்தி உள்ளார்