ஒரு பாடலுக்கு மட்டும் நடனமாடிக் கொண்டிருந்த பிரபுதேவா, காதலன் படம் மூலம் ஷங்கரின் இயக்கத்தில் கதாநாயகனாக அறிமுகமானார். அந்த படத்தில் பல பாடல்கள் ஏ.ஆர் ரகுமான் இசையில் ஹிட்டாகின. அதில் குறிப்பாக இயக்குனர் ஷங்கர் பேட்டா ராப் என்கிற ஒரு பாடலை அவரே எழுதியிருந்தார்.
இந்த நிலையில் தற்போது பேட்ட ராப் என்கிற டைட்டிலிலேயே ஒரு படம் உருவாகிறது. இதில் கதாநாயகனாக பிரபுதேவா நடிக்கிறார். கதாநாயகியாக நடிகை வேதிகா நடிக்க உள்ளார். இந்த படத்தை இயக்குனர் எஸ் ஜே சீனு என்பவர் இயக்குகிறார்.
வரும் ஜூன் 15ஆம் தேதி முதல் இந்த படத்தின் படப்பிடிப்பு துவங்குகிறது. இதில் ரியாஸ் கான், மைம் கோபி, பக்ஸ், ரமேஷ் திலக் ஆகியோர் முக்கிய கதாபாத்திரத்தில் நடிக்கின்றனர். டி.இமான் இந்த படத்திற்கு இசையமைக்கிறார்.