சிவகார்த்திகேயன் நடிப்பில் அடுத்து வெளிவர இருக்கும் படம் மாவீரன். சூப்பர் ஸ்டார் ரஜினிகாந்த்தின் பட டைட்டிலில் அவரது ரசிகரான சிவகார்த்திகேயன் நடித்திருப்பது படத்தின் மீதான எதிர்பார்ப்பை அதிகரித்துள்ளது. அதுமட்டுமல்ல யோகிபாபுவை வைத்து மண்டேலா என்கிற படத்தை இயக்கிய இயக்குனர் மடோன் அஸ்வின் இயக்கும் படம் என்பதால் இன்னும் கூடுதல் எதிர்பார்ப்பை ஏற்படுத்தி உள்ளது இந்தப்படம்.
இந்த படத்தில் கதாநாயகியாக இயக்குனர் ஷங்கரின் மகன் அதிதி ஷங்கர் நடித்துள்ளார். விருமன் படத்தைத் தொடர்ந்து அவர் நடிக்கும் இரண்டாவது படம் இது.
இந்த படம் முதலில் ஆகஸ்ட் 11ஆம் தேதி ரிலீசாகும் என அறிவிக்கப்பட்டது. ஆனால் ஜெயிலர் திரைப்படம் ஆகஸ்ட் 10ஆம் தேதி வெளியாகும் என்கிற அறிவிப்பு வெளியானதை தொடர்ந்து அதற்கு முன்னதாகவே ஜூலை 14ஆம் தேதி வெளியானதாக ரிலீஸ் தேதி மாற்றப்பட்டது.
இந்த நிலையில் தற்போது இந்த படத்தில் தனது காட்சிகளுக்காக டப்பிங் பேச துவங்கியுள்ளார் சிவகார்த்திகேயன். இந்த படத்தை தொடர்ந்து ஏற்கனவே இந்த படத்திற்கு முன்னதாகவே சிவகார்த்திகேயன் நடித்து முடித்துவிட்ட அயலான் திரைப்படம் வரும் தீபாவளி வெளியீடாக வெளியாக இருக்கிறது என்பது குறிப்பிடத்தக்கது.