ஒரு தயாரிப்பாளராக தமிழ் படம், இறுதிச்சுற்று, விக்ரம் வேதா உள்ளிட்ட பல ஹிட் படங்களை தயாரித்தவர் தயாரிப்பாளர் ஒய் நாட் ஸ்டுடியோஸ் சசிகாந்த். ஒரு தயாரிப்பாளராக பத்து வருட அனுபவத்திற்கு பின்னர் முதல் முறையாக டெஸ்ட் என்கிற படத்தின் மூலம் இயக்குனராகவும் களமிறங்கியுள்ளார்.
தான் இயக்கும் முதல் படத்திலேயே மாதவன், நயன்தாரா, சித்தார்த், மீரா ஜாஸ்மின் என மிகப் பெரிய நட்சத்திர கூட்டணியுடன் இந்த படத்தை இயக்கி வருகிறார் சசிகாந்த்,
இந்த படத்தின் கதை பிடித்ததாலேயே உடனே நடிக்க ஒப்புக்கொண்டார் நயன்தாரா. கிட்டத்தட்ட 19 வருடங்கள் கழித்து இந்த படத்தில் மாதவன் மற்றும் சித்தார்த்துடன் இணைந்து நடிக்கிறார் மீரா ஜாஸ்மின்.
தற்போது விறுவிறு படப்பிடிப்பில் இருக்கும் இந்த டெஸ்ட் படத்தில் முக்கிய நட்சத்திரங்கள் அனைவரும் இணைந்து நடித்து வரும் காட்சிகள் படமாக்கப்பட்டு வருகின்றன.
இவர்கள் அனைவரும் படப்பிடிப்பு தளத்தில் இணைந்து எடுத்துக்கொண்ட புகைப்படம் ஒன்று தற்போது சோசியல் மீடியாவில் வைரலாக பரவி வருகிறது.