எஃப் ஐ ஆர், கட்டா குஸ்தி எனத் தொடர்ந்து வெற்றி படங்களை கொடுத்து வரும் நடிகர் விஷ்ணு விஷால் தற்போது ஐஸ்வர்யா ரஜினிகாந்த் இயக்கத்தில் உருவாகி வரும் லால் சலாம் படத்தில் கதாநாயகனாக நடித்து வருகிறார். இந்த நிலையில் அவர் ஏற்கனவே நடித்துள்ள மோகன்தாஸ் என்கிற திரைப்படம் அடுத்து வெளியாக இருக்கிறது. இந்த படத்தில் ஐஸ்வர்யா ராஜேஷ் கதாநாயகியாக நடிக்க பூர்ணிமா பாக்யராஜ், கருணாகரன் உள்ளிட்ட பலர் நடித்துள்ளனர்.
இந்த படத்தை இயக்குனர் முரளி கார்த்திக் என்பவர் இயக்கியுள்ளார். த்ரில்லர் பாணியில் இந்த படம் உருவாகியுள்ளது. இந்த நிலையில் இந்த படம் தியேட்டர்களுக்கு வராமல் நேரடியாகவே ஓடிடி தளத்தில் வெளியாகும் என்கிற ஒரு தகவல் வெளியாகி உள்ளது.
ஜியோ சினிமா நிறுவனம் இதை நேரடியாக ஓடிடியில் வெளியிட இருக்கிறதாம். இதுகுறித்து அதிகாரப்பூர்வ அறிவிப்பு விரைவில் வெளியாகும் என கூறப்படுகிறது.
விஷ்ணு விஷாலின் முந்தைய படமான கட்டா குஸ்தி படம் நல்ல வரவேற்பு பெற்ற நிலையில் இந்த மோகன்தாஸ் திரைப்படம் திரையரங்குகளுக்கு வராமல் நேரடியாக ஓடிடி தளத்தில் வெளியாவது ஆச்சரியமான விஷயம்தான்.