ஆல்பம் பாடகராக அறிமுகமாகி, இசையமைப்பாளராக தமிழ் சினிமாவில் நுழைந்து பின்னர் கதாநாயகன், டைரக்டர் என அடுத்தடுத்த கட்டங்களுக்கு தன்னை வேகமாக வளர்த்துக் கொண்டவர் நடிகர் ஹிப் ஹாப் தமிழா ஆதி. சுந்தர்.சியை தொடர்ந்து சத்யஜோதி பிலிம்ஸ் நிறுவனத்திற்கும் செல்லப்பிள்ளையாகவே மாறிவிட்ட இவர் கடந்த இரண்டு வருடங்களுக்கு முன்பு இந்த தயாரிப்பு நிறுவனத்தில் உருவான அன்பறிவு என்கிற படத்தில் நடித்திருந்தார்,
இந்த படத்தை தொடர்ந்து தற்போது இதே நிறுவனத்தின் தயாரிப்பில் வீரன் என்கிற படத்தில் நடித்துள்ளார் ஹிப் ஹாப் ஆதி, ஏ ஆர் கே சரவணன் என்பவர் இயக்கியுள்ள இந்த படத்தில் வினய் ராய், ஆதிரா ராஜ், முனீஸ்காந்த், காளி வெங்கட் ஆகியோர் நடித்துள்ளனர்.
இந்த படம் சூப்பர் ஹீரோ பாணியில் ஒரு பேண்டஸி படமாக உருவாகி வருகிறது. இந்த படம் வரும் ஜூன் மாதம் இரண்டாம் தேதி வெளியாகும் என ஏற்கனவே அறிவிக்கப்பட்டு விட்டது.
இந்த படத்தின் முதல் சிங்கிள் ஏற்கனவே வெளியாகியுள்ள நிலையில் வரும் மே 13ஆம் தேதி மாலை 5 மணிக்கு இந்த படத்தின் இரண்டாவது சிங்கிள் வெளியாக இருக்கிறது. இதுகுறித்த அறிவிப்பு போஸ்டர் ஒன்றும் தற்போது வெளியாகி உள்ளது.