சமீபகாலமாக மாணவர்களை மையப்படுத்தி படங்கள் வருவது வெகுவாக குறைந்து விட்டது என்று சொல்லலாம். அந்த குறையை போக்கும் விதமாக இளம் மாணவர்கள் எதிர்கொள்ளும் தற்போதைய கல்வி அழுத்தத்தையும், பள்ளி குழந்தைகளின் ஒட்டுமொத்த வளர்ச்சியின் முக்கியத்துவத்தையும் வலியுறுத்தும் வகையில் தற்போது உருவாகியுள்ள படம் தான் மியூசிக் ஸ்கூல்”.
இசைஞானி இளையராஜாவின் இசையில் பன்மொழி திரைப்படமாக உருவாகியுள்ள இந்த படத்தை இயக்குனர் பாப்பாராவ் பிய்யாலா இயக்கியுள்ளார். கதாநாயகியாக ஸ்ரேயா நடித்துள்ளார்.
மற்றும் முக்கிய வேடங்களில் ஷர்மன் ஜோஷி, ஷாம் மற்றும் பிரகாஷ் ராஜ் ஆகியோருடன் அறிமுக நடிகர்களான ஓசு பருவா மற்றும் கிரேசி கோஸ்வாமி ஆகியோர் நடித்துள்ளனர்
இப்படம் உலகமெங்கும் மே 12 அன்று வெளியாகிறது. படம் வெளியாவதையொட்டி, படக்குழு தீவிரமாக முன்வெளியீட்டு பணிகளில் ஈடுபட்டுள்ளது.
இந்நிலையில் இன்று இயக்குநர் இயக்குநர் பாப்பாராவ் பிய்யாலா, நடிகை ஸ்ரேயா சரண் இருவரும் இசைஞானி இளையராஜாவை சந்தித்தனர். அவருடன் உரையாடி, புகைப்படங்கள் எடுத்துகொண்டனர்