தமிழ் சினிமாவில் பல வெற்றி படங்களை தயாரித்த நிறுவனம் ட்ரீம் வாரியர் பிக்சர்ஸ். இந்த நிறுவனம் தற்போது ரெயின்போ என்கிற படத்தை தயாரித்து வருகிறது. தெலுங்கில் மட்டும் அல்லாது தமிழிலும் பாலிவுட்டிலும் என குறுகிய காலத்திலேயே முன்னணி நடிகையாக உயர்ந்த ராஷ்மிகா மந்தனா இந்த படத்தில் கதாநாயகியாக நடிக்கிறார்.
தமிழ் தெலுங்கு என இரு மொழிகளில் உருவாகும் இந்த படத்தில் கதாநாயகனாக மலையாள நடிகர் தேவ் மோகன் நடிக்கிறார். சமீபத்தில் வெளியான சாகுந்தலம் படத்தில் கதாநாயகனாக நடித்தது இவர்தான். அது மட்டுமல்ல இந்த படத்தில் முக்கிய வேடத்தில் நடிகை அமலா நடிக்கிறார்.
சாந்தரூபன் என்பவர் இந்த படத்தை இயக்குகிறார் கடந்த ஏப்ரல் மூன்றாம் தேதி இந்த படத்தின் படப்பிடிப்பு துவங்கிய நிலையில் தற்போது முதற்கட்ட படப்பிடிப்பை ரெயின்போ படக்குழுவினர் முடித்துள்ளனர்.