நடிகர் சிவகார்த்திகேயன் நடிக்கும் படங்கள் குறித்த அடுத்தடுத்த அப்டேட்டுகள் தொடர்ந்து வெளியாகி வருகின்றன. கடத்த வருடம் தெலுங்கு இயக்குனர் அனுதீப் டைரக்ஷனில் பிரின்ஸ் என்கிற படத்தில் சிவகார்த்திகேயன் நடித்தார். மிகவும் எதிர்பார்க்கப்பட்ட அந்த படம் பெரிய வரவேற்பை தவறியது.
இந்த நிலையில் மண்டேலா பட புகழ் இயக்குனர் மடோன் அஸ்வின் டைரக்ஷனில் மாவீரன் என்கிற படத்தில் நடித்து வருகிறார் சிவகார்த்திகேயன். இந்த படம் வரும் ஆகஸ்ட் 11ஆம் தேதி வெளியாக இருக்கிறது என சில தினங்களுக்கு முன்பு தான் அதிகாரப்பூர்வ அறிவிப்பு வெளியானது.
இந்த நிலையில் கடந்த சில வருடங்களுக்கு முன்பே சிவகார்த்திகேயன் நடிக்க ஒப்புக்கொண்டு நடித்து வந்த அயலான் என்கிற படம் குறித்து ரசிகர்கள் தொடர்ந்து கேள்வி எழுப்பி வந்தனர். இன்று நேற்று நாளை புகழ் ரவிக்குமார் டைரக்ஷனில் அதே போன்று ஒரு சயன்ஸ் பிக்சன் படமாக உருவாகி இருக்கும் படம் தான் அயலான்.
ஏஆர் ரகுமான் இசையமைப்பில் உருவாகி வரும் இந்த படத்தில் ராகுல் பிரீத் சிங் கதாநாயகியாக நடிக்கிறார். சயன்ஸ் பிக்சன் படம் என்பதால் இந்த படத்தில் கிராபிக்ஸ் பணிகள் அதிகம் இருக்கிறது. அதனாலேயே இந்த படத்தின் ரிலீஸ் தேதி அறிவிக்கப்படாமலேயே பணிகள் நடைபெற்று வந்தன.
இந்த நிலையில் இந்த படத்தை தயாரித்து வரும் கே ஜே ஆர் நிறுவனம் வரும் தீபாவளி அன்று இந்த படம் திரைக்கு வருகிறது என அதிகாரப்பூர்வமாக அறிவித்துள்ளனர்.
அதிலும் தென்னிந்திய மொழிகள் அனைத்திலும் மற்றும் இந்தியிலும் என பான் இந்தியா படமாக இந்த படம் ரிலீஸ் ஆக இருக்கிறது. சிவகார்த்திஎயன் படத்திற்கு ஏ.ஆர்.ரஹ்மான் இசையமைப்பதும், சிவகார்த்திகேயனின் படம் முதன்முதலாக பான் இந்திய ரிலீஸ் ஆக வெளியாவதும் இதுதான் முதல் முறை என்பது குறிப்பிடத்தக்கது.