பரியேறும் பெருமாள் என்கிற தன்னுடைய முதல் படத்தையே ஹிட் படமாக கொடுத்து பல விருதுகளையும் பெற்றவர் இயக்கனர் மாரி செல்வராஜ். பா ரஞ்சித்தின் சீடரான இவர் தனது குருவை போலவே வித்தியாசமான கதைக்களங்களில் படங்களை இயக்கி வருகிறார்..
அந்த வகையில் பரியேறும் பெருமாள் படத்தை தொடர்ந்து அடுத்ததாக நடிகர் தனுஷ் நடித்த கர்ணன் என்கிற படத்தை இயக்கினார். அந்த படமும் மிகப்பெரிய வரவேற்பை பெற்றது.
இதைத்தொடர்ந்து உதயநிதி நடிப்பில் மாமன்னன் என்கிற படத்தை இயக்கினார் மாரி செல்வராஜ். அந்த படத்தின் படப்பிடிப்பு முடிவடைந்து போஸ்ட் புரொடக்சன் பணிகள் நடைபெற்று வருகிறது.
அதே சமயம் கிடைத்த இந்த இடைவெளியில் சிறிய பட்ஜெட் படமாக வாழை என்கிற படத்தையும் இயக்கி முடித்து விட்டார். இதை தொடர்ந்து அடுத்ததாக விக்ரமின் மகன் துருவ்வை கதாநாயகனாக வைத்து ஒரு படம் இயக்குவதாக சொல்லப்பட்டு வந்தது
இந்த நிலையில் மீண்டும் தனுஷ் படத்தை இயக்குகிறார் என்கிற அறிவிப்பு தற்போது வெளியாகி உள்ளது. இந்த படத்தை தனுஷின் வுண்டர்பார் நிறுவனம் தயாரிக்கிறது.
இந்த நிறுவனம் தயாரிக்கும் 15 வது படம் இது என்பதால் தற்போது புரொடக்சன் நம்பர் 15 என தற்காலிகமாக டைட்டில் வைக்கப்பட்டுள்ளது. இந்த படத்தில் நடிக்கும் நட்சத்திரங்கள் மற்றும் பணியாற்ற உள்ள தொழில்நுட்ப கலைஞர்கள் குறித்த விபரங்கள் அடுத்தடுத்து வெளியாகும் என எதிர்பார்க்கலாம்.
இவர்கள் கூட்டணியில் உருவான கர்ணன் படம் ரிலீஸ் ஆன அதே தேதியில் இந்த புதிய அறிவிப்பு வெளியாகி உள்ளது தனக்கு மிகுந்த மகிழ்ச்சியை தருகிறது என இயக்குனர் மாரி செல்வராஜ் கூறியுள்ளார்.