விஜய் ஆண்டனி நடிப்பில் படங்கள் வெளியாகி ஒரு மிகப்பெரிய இடைவெளி விழுந்து விட்டது என்று சொல்லலாம். ஆனால் தற்போது கைவசம் அதிக படங்களை வைத்துக்கொண்டு அதில் நிறைய படங்களில் நடித்து முடித்து விட்டவர் விஜய் ஆண்டனி என்று சொன்னால் நம்ப முடிகிறதா ? ஆனால் அதுதான் உண்மை.
அந்த வகையில் அவர் நடித்த பல படங்கள் தற்போது ரிலீசுக்கு தயாராகி வருகின்றன. இதில் விஜய் ஆண்டனி நடித்த தமிழரசன் மற்றும் பிச்சைக்காரன் 2 ஆகிய படங்கள் தான் அடுத்தடுத்து ரிலீஸ் ஆக இருக்கின்றன.
அதிலும் குறிப்பாக 2019-ல் தமிழரசன் படத்தை ஆரம்பித்தார்கள். இயக்குனர் பாபு யோகேஸ்வரன் இயக்கியுள்ள இந்த படத்தில் மலையாள நடிகர் சுரேஷ்கோபியும், பாலிவுட் நடிகர் சோனு சூட்டும் முக்கிய கதாபாத்திரத்தில் நடித்துள்ளனர்.
இந்த படத்தின் படப்பிடிப்பு 2019லேயே முடிவடைந்து விட்டது போஸ்ட் புரொடக்ஷனில் இருந்த இந்த படம் கடந்த நவம்பர் மாதம் முதல் தற்போது வரை கிட்டத்தட்ட ஐந்து முறை ரிலீஸ் தேதி அறிவிக்கப்பட்டு பின்னர் சில காரணங்களால் வெளியிட முடியாமல் போனது.
இந்த நிலையில் தற்போது ஏப்ரல் 14ஆம் தேதி இந்த படம் ரிலீஸ் ஆகும் என அதிகாரப்பூர்வ போஸ்டருடன் அறிவிப்பு வெளியாகி உள்ளது. இதற்கு முந்தைய நிகழ்வுகளை போன்று ரசிகர்களை ஏமாற்றாமல் இந்த முறையாவது ஏப்ரல் 14ஆம் தேதி படம் வெளியாகுமா ? இல்லை அதே தேதியில் நிறைய படங்கள் வெளியாவதை முன்னிட்டு மீண்டும் தள்ளி வைக்கப்படுமா என்பதை பொறுத்திருந்துதான் பார்க்க வேண்டும்.