90களில் சாக்லேட் ஹீரோவாக வலம் வந்த நடிகர் அரவிந்த்சாமி சில வருட இடைவெளிக்கு பிறகு ஜெயம் ரவி நடித்த தனி ஒருவன் படம் மூலமாக ஒரு ஸ்டைலிஷான மிரட்டலான வில்லனாக அறிமுகமானார். இந்த இரண்டாவது இன்னிங்ஸிலும் அவருக்கு தொடர்ந்து வெற்றிகள் கிடைக்க, தற்போது பிசியான நடிகராக ஹீரோவாகவும் வில்லனாகவும் மாறி மாறி நடித்து வருகிறார்.
அந்தவகையில் தற்போது வெங்கட் பிரபு முதன்முறையாக தெலுங்கில் நுழைந்து இளம் நடிகர் நாகசைதன்யாவை வைத்து இயக்கி வரும் கஸ்டடி என்கிற படத்தில் வில்லனாக நடித்து வருகிறார் அரவிந்த்சாமி.
இந்த நிலையில் தற்போது இவரது கதாபாத்திரத்திற்கு ராசு என்கிற ராஜு என பெயர் வைக்கப்பட்டு அவரது கேரக்டர் லுக் போஸ்டரும் வெளியாகி உள்ளது. இந்த படத்திலும் நிச்சயம் தனது வில்லத்தனத்தின் மூலம் ரசிகர்களை அரவிந்த்சாமி கவர்வார் என்பதில் சந்தேகம் இல்லை.
இந்தப்படத்தில் கதாநாயகியாக கீர்த்தி ஷெட்டி நடித்துள்ளார். ப்ரியாமணி பவர்ஃபுல் ரோலில் நடித்துள்ளார். இப்படத்தில் சரத்குமார், சம்பத் ராஜ், பிரேம்ஜி, வெண்ணேலா கிஷோர், பிரேமி விஸ்வநாத் உள்ளிட்ட பலர் நடித்துள்ளனர்.
இளையராஜா இசை அமைப்பில் உருவாகியுள்ள கஸ்டடி மே 12, 2023 அன்று உலகம் முழுவதும் திரையரங்குகளில் வெளியாக இருக்கிறது.