சமீபத்தில் தான் குறிப்பாக கடந்த சில நாட்களுக்கு முன்பு பழனி மலை முருகன் கோவில் கும்பாபிஷேகம் நடைபெற்ற பிறகு நடிகைகள் அமலாபால், சமந்தா, நடிகர் பிரபு, கௌதம் கார்த்திக், மஞ்சிமா மோகன் ஆகியோர் சென்று வழிபட்ட செய்திகள் புகைப்படங்களுடன் வெளியாகின.
இந்த நிலையில் தற்போது நடிகர் சந்தானமும் பழனி மலை முருகனை கிரிவலம் வந்து ரோப் கார் மூலமாக மலைக்கு சென்று பக்தர்களுடன் பக்தர்களாக வரிசையில் நின்று முருகனை வழிபட்டுள்ளார்.
ஏதும் விசேஷ தினத்திற்காக அவர் பழனி மலைக்கு சென்றுள்ளாரா என்றால் தற்போது அவர் நடித்து வரும் வடக்குப்பட்டி ராமசாமி என்கிற படத்தின் படப்பிடிப்பு பழனியை சுற்றியுள்ள பகுதியில் நடைபெற்று வருகிறது. இதனால் படப்பிடிப்பு இடைவேளையின் போது பழனி முருகனை சென்று தரிசித்து வந்துள்ளார் சந்தானம். தரிசனம் முடிந்து வெளியே வந்த நடிகர் சந்தானத்துடன் ரசிகர்கள் பலர் ஆர்வமாக புகைப்படம் எடுத்துக்கொள்ள, அவரும் இன்முகத்துடன் அவர்களுடன் சேர்ந்து படம் எடுத்துக் கொண்டார்.