லோகேஷ் கனகராஜ் இயக்கத்தில் மாஸ்டர் படத்தை தொடர்ந்து தளபதி விஜய் நடித்து வரும் படம் லியோ. திரிஷா கதாநாயகியாக நடித்துவரும் இந்த படத்திற்கு அனிருத் இசையமைக்கிறார். தமிழ், மலையாளம் திரையுலகை சேர்ந்த நிறைய நட்சத்திரங்கள் இந்த படத்தில் நடித்து வருகின்றனர். இந்த படத்தின் படப்பிடிப்பது தற்போது காஷ்மீர் பகுதியில் நடைபெற்று வருகிறது.
இந்த படத்தின் டைட்டில் குறித்த அறிவிப்பை ஒரு டீசருடன் வெளியிட்டு இருந்தார் லோகேஷ் கனகராஜ். தற்போது சில நாட்களுக்கு முன்பு இந்த டைட்டில் டீசர் சென்சாருக்கு அனுப்பி வைக்கப்பட்டு அவர்களிடம் இருந்து தணிக்கை சான்றிதழ் பெற்றுள்ளது. இந்த தகவல் ரசிகர்கள் பலருக்கும் இப்போது எதற்காக ஒரு டைட்டில் டீசரை சென்சார் செய்ய வேண்டிய அவசியம் வந்தது என்கிற கேள்வியை எழுப்பியது.
தனுஷ் நடித்துள்ள வாத்தி திரைப்படம் தமிழ் தெலுங்கு என இரு மொழிகளில் வெளியாகிறது. இந்த படம் திரையிடப்படும் தியேட்டர்களில் எல்லாம் லியோ படத்தின் டைட்டில் டீசரையும் திரையிடுவதற்காக தான் சென்சருக்கு அனுப்பப்பட்டு தணிக்கை செய்யப்பட்டுள்ளது.
அதனால் தனுஷ் படம் ஓடும் தியேட்டர்களில் எல்லாம் லியோ படத்தின் டீசரையும் ரசிகர்கள் கண்டுகளிக்கலாம்.