ஒருபக்கம் ராட்சசன், எப்ஐஆர் போன்ற அதிரடி ஆக்சன் படங்களை கொடுத்தாலும் நடிகர் விஷ்ணு விஷாலை ரசிகர்கள் அதிகம் ரசிப்பது பெரும்பாலும் குடும்பப்பாங்கான அம்சம் கொண்ட படங்களில்தான். இதற்கு முன்னதாக வேலைன்னு வந்துட்டா வெள்ளக்காரன், சிலுக்குவார்பட்டி சிங்கம், இன்று நேற்று நாளை உள்ளிட்ட படங்களின் வெற்றி அதை ஏற்கனவே நிரூபித்துள்ளது.
இந்த நிலையில் தமிழ், தெலுங்கு என இரண்டு மொழிகளிலும் உருவாகியுள்ள கட்டா குஸ்தி என்கிற படத்தில் கதாநாயகனாக நடித்துள்ளதுடன் பிரபல தெலுங்கு ஹீரோ ரவிதேஜாவுடன் இணைந்து இந்த படத்தை தயாரித்தும் உள்ளார் விஷ்ணு விஷால்.
கதாநாயகியாக ஐஸ்வர்ய லட்சுமி நடித்துள்ள இந்தப்படம் இன்று தமிழ், தெலுங்கு என இரு மொழிகளிலும் வெளியாகி உள்ளது. ரசிகர்களிடம் மிகப்பெரிய வரவேற்பையும் பெற்று வருகிறது.
இந்தநிலையில் இன்று தனது மனைவி ஜூவாலா குட்டாவுடன் மதுரைக்கு வந்த விஷ்ணு விஷால், மீனாட்சி அம்மன் கோவிலில் தரிசனம் செய்துள்ளார். அப்போது அங்கு கூடியிருந்த பொதுமக்கள் அவருடன் இணைந்து ஆர்வமாக புகைப்படம் எடுத்துக்கொண்டனர்.
இதைத்தொடர்ந்து மதுரையில் உள்ள சில திரையரங்குகளில் ரசிகர்களுடன் சேர்ந்து கத்தி படத்தையும் பார்த்து ரசித்தார் விஷ்ணு விஷால்.