வரும் பொங்கல் பண்டிகை வெளியீடாக தளபதி விஜய் நடித்துள்ள வாரிசு திரைப்படம் வெளியாகிறது என்பது ஏற்கனவே தெரிந்த செய்தி தான். ஆனாலும் குறிப்பாக எந்த தேதியில் வாரிசு படம் வெளியாகிறது என்பது குறித்த ஒரு செய்தி கடந்த சில நாட்களாகவே சோசியல் மீடியாவில் பரபரப்பாக பேசப்பட்டு வந்தது. இந்த நிலையில் இந்த படம் வரும் ஜனவரி 12ஆம் தேதி வெளியாகும் என அதிகாரப்பூர்வமாக தகவல் வெளியாகியுள்ளது
தளபதி விஜய் முதன்முதலாக தெலுங்கு திரையுலகில் அடியெடுத்து வைத்து நடித்துள்ள படம் தான் வாரிசு. தமிழில் தோழா என்கிற படத்தை கொடுத்த இயக்குனர் வம்சி பைடிப்பள்ளி தான் இந்த படத்தை இயக்கியுள்ளார் என்பதால் இதன் மீதான எதிர்பார்ப்பு இன்னும் கூடுதல் ஆகியுள்ளது.
படத்தில் கதாநாயகியாக ராஷ்மிகா மந்தனா நடித்துள்ளார். விஜய் படத்திற்கு முதன்முறையாக தமன் இசையமைத்துள்ளார். வாரிசு படத்துடன் அஜித் நடித்துள்ள துணிவு படமும் பொங்கல் பண்டிகை வெளியீடாகத்தான் வெளியாகிறது.
என்றாலும் இரண்டு படங்களும் ஒரே தேதியில் வெளியாகுமா அல்லது முன்பின் வெளியாகுமா என்கிற ஒரு சலசலப்பு நிலவி வந்த நிலையில், வாரிசு படக்குழுவினர் அதற்கு முற்றுப்புள்ளி. வைத்து தங்களது ரிலீஸ் தேதியை அதிகாரப்பூர்வமாக அறிவித்து விட்டதால், விஜய் ரசிகர்கள் உற்சாகமாக உள்ளனர்.