நடிகர் யோகிபாபுவைப் பொறுத்தவரை நகைச்சுவை நடிகராக நடித்துக்கொண்டே இன்னொரு பக்கம் நல்ல கதையும் கதாபாத்திரமும் அமைந்தால் கதையின் நாயகனாகவும் நடித்து வருகிறார்/ அப்படி அவர் நடித்த படங்கள் வரவேற்பையும் வசூலையும் பெற்றும் வருகின்றன.
குறிப்பாக அவர் நடித்த மண்டேலா திரைப்படத்திற்கு படத்தின் இயக்குனர் மடோன் அஸ்வின் தேசிய விருது பெற்றார் என்பது குறிப்பிடத்தக்கது. இந்நிலையில் தற்போது தூக்குதுரை என்கிற படத்தில் கதையின் நாயகனாக நடிக்கிறார் யோகிபாபு.
இந்த படத்தில் கதாநாயகியாக இனியா நடிக்கிறார். டென்னிஸ் மஞ்சுநாத் என்பவர் இந்த படத்தை இயக்குகிறார். இவர் ஏற்கனவே அட்வென்ச்சர் திரில்லர் படமான ட்ரிப் என்கிற படத்தை இயக்கியவர்.
இந்த தூக்கு துரை திரைப்படம் மூன்று விதமான காலகட்டங்களில் அதாவது 19ஆம் நூற்றாண்டு 1999 மற்றும் 2022 ஆகிய காலங்களில் நிகழும் கதையாக உருவாகிறது.
இந்த படத்தில் முக்கிய வேடங்களில் மொட்ட ராஜேந்திரன், மகேஷ், பாலசரவணன், சென்றாயன், மாரிமுத்து, நமோ நாராயணன் உள்ளிட்ட பலர் நடிக்கின்றனர்.