சூப்பர்ஸ்டார் ரஜினிக்கு அடுத்ததாக அதிக அளவில் தமிழ்சினிமாவில் ரசிகர்களை பெற்றிருப்பவர்களில் தளபதி விஜய் இரண்டாவது இடத்தில் இருக்கிறார். தனது ரசிகர் மன்றங்களை நற்பணி இயக்கங்களாக மாற்றி, ரசிகர்கள் மூலம் இந்த சமூகத்திற்கும் மக்களுக்கும் தேவையான பல நல்ல விஷயங்களை செய்து வருகிறார் விஜய்.
அவரது சார்பில் இந்த விஜய் மக்கள் இயக்கத்தை சரியான வழியில் நடத்திச் சென்று வருகிறார் விஜய் மக்கள் இயக்கத் தலைவர் புஸ்ஸி ஆனந்த். அவ்வப்போது விஜய் மக்கள் இயக்கம் சார்பாக பல்வேறு நலத்திட்ட உதவிகள் தமிழகமெங்கும் தொடர்ந்து வழங்கப்பட்டு வருகின்றன.
இந்த நிலையில் ரசிகர்களின் நீண்ட நாள் ஆசையான தளபதி விஜய்யை நேரில் சந்திக்கும் கோரிக்கையை நிறைவேற்றும் விதமாக நேற்று தனது ரசிகர் மன்றத்தில் உள்ள ரசிகர்களை விஜய் சந்தித்தார்.
3 மாவட்டங்களைச் சேர்ந்த ரசிகர்கள் சந்திப்பு நேற்று கிழக்கு கடற்கரை சாலையில் பனையூரில் உள்ள விஜய் மக்கள் இயக்க அலுவலகத்தில் நடைபெற்றது.
இந்த சந்திப்பின்போது ரசிகர்கள் ஒவ்வொருவருடனும் இணைந்து புகைப்படம் எடுத்துக் கொண்டார் விஜய். அதுமட்டுமல்ல வந்திருந்தவர்களுக்கு சுவையான பிரியாணி விருந்து அளிக்கும் அசத்தினார்.
மேலும் இந்த நிகழ்வில் அவர் பேசும்போது, மூன்று முக்கிய விஷயங்களை குறிப்பிட்டார். ஒன்று, பெற்றோரை, குடும்பத்தை நல்ல முறையில் பார்த்துக்கொள்ள வேண்டும். அடுத்ததாக நன்றாக உழைத்து நல்ல ஊதியம் ஈட்ட வேண்டும். அவற்றில் 5 சதவீதம் வரை பொதுமக்களுக்கு நல்ல காரியங்களுக்கு பயன்படும் விதமாக செலவு செய்ய வேண்டும்” என்று ரசிகர்களை கேட்டுக்கொண்டார்