கடந்த சில மாதங்களுக்கு முன்பு நெல்சன் திலீப்குமார் இயக்கத்தில் விஜய், பூஜா ஹெக்டே இணைந்து நடித்த பீஸ்ட் திரைப்படம் வெளியானது. இந்தப்படம் வெளியாவதற்கு முன்பே இதில் இடம்பெற்ற ஹலமதி ஹபிபோ என்கிற அரபிக்குத்து பாடல் வெளியாகி பட்டி தொட்டியெல்லாம் பட்டையை கிளப்பியது.
அனிருத் இசையில் சிவகார்த்திகேயன் இந்த பாடலை எழுதி இருந்தார். அனிருத்தின் துள்ளலான இசையும் சிவகார்த்திகேயனின் பாடல் வரிகளும் அதற்கேற்றார்போல விஜய், பூஜா ஹெக்டே இருவரின் அதிரடி நடனம் என சிறு குழந்தைகள் முதல் பெரியவர்கள் வரை இந்த பாடலை ரசித்து ஆடவும் வைத்தது.
இந்த நிலையில் ஸ்பார்ட்டிபை என்கிற ஆப்பில் இந்தப்பாடல் இதுவரை 100 மில்லியன் பார்வையாளர்களால் பார்க்கப்பட்டு புதிய சாதனை ஒன்று படைக்கப்பட்டுள்ளது.
மேலும் தென்னிந்திய மொழிகளிலேயே முதன் முறையாக 100 மில்லியன் பார்வையாளர் என்கிற சாதனையை படைத்தது இந்த பாடல் தான் என்பது குறிப்பிடத்தக்கது.