தென்னிந்திய நடிகர் சங்கத்திற்கு ஏற்கனவே நடைபெற்ற தேர்தல் நிறுத்தி வைக்கப்பட்டிருந்த நிலையில், கடந்த சில மாதங்களுக்கு முன்பு அந்த தேர்தல் முடிவுகள் என்ன பட்டு மீண்டும் நாசர், விஷால், கார்த்தி ஆகியோர் இணைந்த பாண்டவர் அணி மீண்டும் வெற்றி பெற்று பொறுப்புக்கு வந்தது.
தீபாவளி, பொங்கல் போன்ற பண்டிகை நாட்களில் நடிகர் சங்க உறுப்பினர்களுக்கு பரிசுத்தொகுப்பை வழங்குவதை நடிகர் சங்கம் வழக்கமாக கடைபிடித்து வருகிறது. அந்தவகையில் இந்த வருடம் தென்னிந்திய நடிகர் சங்க உறுப்பினர்களுக்கு தீபாவளி பண்டிகையை முன்னிட்டு அன்பு பரிசாக சேலை வேட்டி மற்றும் இனிப்புகள் அடங்கிய பரிசுத்தொகுப்பு வழங்கப்பட்டது.
இதனை சங்கத்தின் பொருளாளரான கார்த்தி உறுப்பினர்களுக்கு வழங்கினார். இந்த நிகழ்வில் நடிகர்கள் மனோபாலா, பூச்சி முருகன், தளபதி தினேஷ் ஆகியோர் கலந்து கொண்டனர்.
வெளியூரில் உள்ள நடிகர் சங்க உறுப்பினர்களுக்கு அக்டோபர் 15, 16 ஆகிய தேதிகளில் அந்தந்த மாவட்டங்களுக்கு இந்த பரிசு தொகையை அனுப்பி வைத்துவிட்டனர். சென்னையிலுள்ள நடிகர் சங்க வளாகத்தில் இன்று காலை 10 மணி அளவில் நடிகர் சங்க வளாகத்தில் இந்த பரிசுத்தொகுப்பு வழங்கப்பட்டது.