கடந்த ஜூன் மாதம் லோகேஷ் கனகராஜ் இயக்கத்தில் கமல் நடிப்பில் விக்ரம் படம் வெளியானது. விஜய்சேதுபதி, பகத் பாசில், நரேன், காளிதாஸ் ஜெயராம் என மிகப்பெரிய நட்சத்திர கூட்டணியுடன் அனிருத் இசையமைப்பில் உருவான இந்த படம் மிகப்பெரிய வெற்றியைப் பெற்று வசூல் ரீதியாக மிகப்பெரிய சாதனைகளை படைத்தது.
பொதுவாகவே சர்வதேச திரைப்பட திருவிழா என்றால் அங்கே கலைப்படங்கள் தான் பெரும்பாலும் திரையிடப்படும் என்று இதுவரை அறியப்பட்டு வருகிறது. இந்த நிலையில் வரும் அக்டோபர் 5 முதல் 14 ஆம் தேதி வரை நடைபெற இருக்கும் புகழ்பெற்ற பூஸான் சர்வதேச திரைப்பட விழாவில் விக்ரம் படம் திரையிடப்படுகிறது.
கமர்ஷியல் மற்றும் கலை அம்சம் கொண்ட திரைப்படங்களின் சரியான கலவையாக அமைந்திருக்கும் சர்வதேச புகழ்பெற்ற திரைப்படங்களை அங்கீகரிக்கும் விதமாக செயல்படும் ஓபன் சினிமா என்ற பிரிவில் விக்ரம் படம் திரையிடப்பட இருக்கிறது..