பாகுபலி படத்திற்கு பிறகு தெலுங்கு மட்டுமல்லாது தென்னிந்தியா மற்றும் பாலிவுட்டிலும் மிகப்பெரிய அளவில் எதிர்பார்க்கப்படும் நடிகராக உயர்ந்தவர் பிரபாஸ் அந்த எதிர்பார்ப்பு ஏற்படுத்திய தாக்கமோ என்னமோ இதற்கு முன்னதாக பிரபாஸ் பூஜா நடிப்பில் வெளியான ராதேஷ்யாம் படம் வெற்றிக்கோட்டை தொட தவறியது.
இந்த நிலையில் தமிழ் சினிமாவின் விஜய் சேதுபதி மாதிரி நிறைய படங்களில் நடித்து வருகிறார் பிரபாஸ். அந்தவகையில் ஆதி புருஷ், புராஜெக்ட் கே உள்ளிட்ட படங்களில் தற்போது நடித்து வருகிறார்.
இதில் ஆதி புருஷ் என்கிற படத்தில் ராமனாக நடிக்கிறார் பிரபாஸ். சீதையாக கிர்த்தி சனன் நடிக்க, ராவணனாக பாலிவுட் நடிகர் சைப் அலி கான் நடித்துள்ளார்.
இயக்குனர் ஓம் ராவத் இயக்கியுள்ள இந்தப் படத்தின் இறுதிகட்டப் பணிகள் தற்போது நடைபெற்று வருகின்றன.
இந்த நிலையில் வரும் அக்டோபர் 2ஆம் தேதி காந்தி ஜெயந்தியை முன்னிட்டு இந்தப் படத்தின் டீஸரை அயோத்தியில் வெளியிடுவதற்கு படக்குழுவினர் திட்டமிட்டுள்ளனர் இதுகுறித்த அறிவிப்பு தற்போது வெளியாகி உள்ளது.