கடந்த பத்து வருடங்களுக்கு மேலாகவே தமிழ் சினிமாவில் சூப்பர் ஹிட் ஆன பழைய பாடல்களை எடுத்து ரீமிக்ஸ் செய்து பயன்படுத்தி வருவது வழக்கமான ஒன்றாக இருக்கிறது
இதற்கு ரசிகர்களிடமும் வரவேற்பு கிடைத்து வருகிறது. எம்ஜிஆர், சூப்பர் ஸ்டார் ரஜினிகாந்த் ஆகியோரின் பாடல்களை அதிகம் எடுத்து பயன்படுத்தப்பட்டுள்ளன. அந்த வகையில் நடிகர் திலகம் சிவாஜியின் பாடல் ரீமிக்ஸ் செய்யப்பட்டது என்பது இல்லை என்றே சொல்லலாம் தற்போது முதன்முறையாக விஜய் ஆண்டனி நடித்துள்ள கொலை என்கிற படத்தில் நடிகர் திலகம் சிவாஜி நடித்த ஹிட் பாடலான பார்த்த ஞாபகம் இல்லையோ என்கிற பாடல் ரீமிக்ஸ் செய்து பயன்படுத்தப்பட்டுள்ளது.
இந்த பாடல் சிவாஜி கணேசன் நடித்த புதிய பறவை என்கிற படத்தில் இடம்பெற்று இருந்தது, தற்போது இந்த பாடல் கிரிஷ் இசையில் ஸ்ரேயா கோஷல் குரலில் ரீமிக்ஸ் செய்யப்பட்டுள்ளது. விஜய் ஆண்டனி நடித்துள்ள இந்த கொலை படத்தை பாலாஜி குமார் என்பவர் இயக்கியுள்ளார் இதில் கதாநாயகியாக ரித்திகா சிங் நடித்துள்ளார்.