கௌதம் மேனன் இயக்கத்தில் சிம்பு நடிப்பில் சமீபத்தில் வெந்து தணிந்தது காடு படம் வெளியானது. கேங்க்ஸ்டர் பாணியில் உருவாகியிருந்த இந்தப்படம் கௌதம் மேனனுக்கும் சிம்புவுக்கும் ஒரு புதுவிதமான முயற்சி என்று சொல்லும் விதமாக வித்தியாசமான பாணியில் உருவாகி இருந்தது. தமிழ் மற்றும் தெலுங்கில் வெளியான இந்த படத்திற்கு இரண்டு மொழிகளிலும் நல்ல வரவேற்பு கிடைத்தது.
இந்த நிலையில் இந்த படத்தை பார்வையற்ற மாற்றுத்திறனாளிகள் கண்டு ரசிக்கும் விதமாக சென்னையில் சாலிகிராமத்தில் உள்ள தனியார் திரையரங்கில் ஒன்றில் திரையிட்டு காட்டப்பட்டது.
படம் பார்த்த மாற்றுத்திறனாளிகள் பலரும் இந்த படத்தை உற்சாகத்துடன் ரசித்து பார்த்ததை பார்க்க முடிந்தது. அவர்களுடன் இந்த நிகழ்வில் படத்தின் நாயகனாக சிம்புவும் கலந்து கொண்டதுதான் இதில் ஹைலைட்டான விஷயம்.
படம் முடிந்ததும் அவர்களுடன் இணைந்து உரையாடிய சிம்பு அனைவருடனும் புகைப்படமும் எடுத்துக் கொண்டார்.
ஒரு முன்னணி கதாநாயகன் தன்னுடைய படத்தை இதுபோன்று பார்வையற்ற மாற்றுத்திறனாளிகளுடன் இணைந்து நேரம் ஒதுக்கி பார்த்தது இதுவே தமிழ் சினிமாவில் முதன் முறையாக இருக்கும்.