பான் இந்தியா என்கிற புதிய திரை உலக கலாச்சாரம் சமீபகாலமாக அழுத்தமாக பரவி வரும் நிலையில் ஒவ்வொரு மொழியிலிருந்தும் முன்னணி நடிகர்கள் மாற்று மொழிகளில் உருவாகும் படங்களில் நடிக்க ஆர்வம் காட்டி வருகின்றனர்.
தமிழில் இருந்து முன்னணி நடிகர்கள் விஜய், தனுஷ், சிவகார்த்திகேயன் ஆகியோர் தற்போது முதல் முறையாக நேரடி தெலுங்கு படங்களில் நடித்து வருகின்றனர் அந்த வகையில் தற்போது சிவகார்த்திகேயன் தெலுங்கில் பிரின்ஸ் என்கிற படத்தில் நடித்து வருகிறார்.
இந்த படத்தை அனுதீப் என்கிற இயக்குனர் இயக்கி வருகிறார் படத்தில் கதாநாயகியாக உக்ரைன் நாட்டை சேர்ந்த மரியா ரிஷபோப்ஷ்கா என்பவர் நடித்துள்ளார்.
கடந்த சில வாரங்களுக்கு முன்பு இந்த படத்தில் இருந்து பிம்பிலிக்கி பிலாகி என்கிற பாடல் வெளியாகி ரசிகர்களிடம் வரவேற்பைப் பெற்றது.
இந்த நிலையில் இந்த படத்தில் இருந்து ஜெஸ்ஸிகா என்கிற பாடல் வெளியாகி உள்ளது இந்த படத்திற்கு தமன் இசையமைத்துள்ளார்.
இந்தப்படம் வரும் தீபாவளிக்கு திரைக்கு வருகிறது என்பது குறிப்பிடத்தக்கது