சின்னத்திரை சீரியல் மூலமாக ரசிகர்களிடம் அறிமுகமானவர் நடிகர் கவின். அதன்பிறகு பிக்பாஸ் நிகழ்ச்சியில் கலந்து கொண்டபோது இன்னும் பெரிய அளவில் ரசிகர்களிடம் பிரபலமானார். நட்புனா என்னனு தெரியுமா, லிப்ட் உள்ளிட்ட படங்களில் நடித்துள்ள கவின் தற்போது டாடா என்கிற படத்தில் நடித்து வருகிறார்.
இந்த படத்தில் கதாநாயகியாக மலையாள நடிகை அபர்ணா தாஸ் நடித்துள்ளார். இவர் விஜய் நடித்த பீஸ்ட் படத்தில் இன்னொரு கதாநாயகியாக நடித்தவர் என்பது குறிப்பிடத்தக்கது. தற்போது இப்படத்தின் படப்பிடிப்பு நிறைவடைந்துள்ளது.
இதன் மொத்த படப்பிடிப்புமே சென்னை மற்றும் அதன் சுற்றுவட்டார பகுதிகளில் நடைபெற்று உள்ளது. இந்த படத்தின் போஸ்ட் புரடொக்ஷன் பணிகள் தற்போது முழுவீச்சில் நடைபெற்று வருகின்றது. விரைவில் படத்தின் இசை வெளியீட்டு விழா மற்றும் ரிலீஸ் தேதி குறித்த அறிவிப்பு அறிவிப்புகள் அடுத்தடுத்து வெளியாகும் என எதிர்பார்க்கப்படுகிறது.