பீல்குட் படம் எடுக்க வேண்டும் என்கிற ஆசை நிறைவேறியது ; சுந்தர்.சி

இயக்குனர் சுந்தர் சியின் படங்கள் என்றாலே காமெடிக்கு 100% உத்தரவாதம் தரும் படங்களாக இருக்கும். இடையில் அவர் ஹாரர் ஜானரில் அரண்மனை மூன்று பாகங்கள் பண்ணினால் கூட அந்த படங்களிலும் காமெடிக்கு முக்கியத்துவம் கொடுத்து இருப்பார். இந்த நிலையில் தற்போது காபி வித் காதல் என்கிற படத்தை இயக்கியுள்ளார் சுந்தர்.சி

இந்த படத்தில் ஜீவா, ஸ்ரீகாந்த், ஜெய் என மூன்று ஹீரோக்கள் நடித்துள்ளனர். இந்தப்படத்தின் படப்பிடிப்பு முடிவடைந்து ரிலீசுக்கு தயாராகி வருகிறது. வரும் அக்டோபர் 7ஆம் தேதி இந்த படம் வெளியாக இருக்கிறது.

இந்த படத்தில் யுவன் சங்கர் ராஜா இசையில் எட்டு பாடல்கள் இடம்பெற்றுள்ளன. இந்த நிலையில் தற்போது காபி வித் சுந்தர் சி என்கிற இந்த படத்தின் மேக்கிங் வீடியோ வெளியாகி உள்ளது.

இந்த வீடியோவில் இந்த படம் உருவான விதம் குறித்து சுந்தர்சி கூறும்போது, “ரொம்ப நாளாகவே ஒரு ஃபீல்குட் மூவி எடுக்க வேண்டும் என்பது எனது ஆசையாக இருந்தது. காபி வித் காதல் அப்படி ஒரு படமாக அமைந்துவிட்டது.

இந்த படத்தில் ரொமான்ஸ், காமெடி, சென்டிமென்ட் என எல்லாமே சரிவிகிதத்தில் அமைந்திருக்கும். படம் பார்க்கும்போது ரசிகர்களும் ஒரு மகிழ்ச்சியான மனநிலையிலேயே இந்த படத்தை பார்ப்பார்கள் என்பது உறுதி” என்று கூறியுள்ளார்