ஜெயம் ரவி நடிப்பில் அடுத்ததாக வெளியாக இருக்கும் படம் பொன்னியின் செல்வன். இந்த பிரம்மாண்ட வரலாற்று படத்தை தொடர்ந்து அடுத்ததாக அவர் நடித்துள்ள அகிலன் திரைப்படம் வெளியாகும் என தெரிகிறது இதை அடுத்து இறைவன் உள்ளிட்ட மூன்று படங்களில் நடித்து வருகிறார்.
இந்த நிலையில் தற்போது சைரன் என்கிற புதிய படத்தில் நடிக்கிறார் ஜெயம் ரவி. இந்த படத்தை ஆண்டனி பாக்கியராஜ் என்பவர் இயக்குகிறார். இவர் பிஎஸ் மித்ரன் இயக்கிய இரும்புத்திரை, ஹீரோ ஆகிய படங்களில் உதவி இயக்குனராக பணியாற்றியவர்.
சைரன் படத்தில் கதாநாயகியாக கீர்த்தி சுரேஷ் நடிக்கிறார். அதிலும் போலீஸ் வேடத்தில் நடிக்கிறார்.
இவர்கள் தவிர யோகிபாபு மற்றும் சமுத்திரக்கனி ஆகியோர் முக்கிய வேடங்களில் நடிக்கின்றனர். இந்த படத்தின் படப்பிடிப்பு தற்போது சென்னையில் துவங்கி நடைபெற்று வருகிறது