இயக்குனர் சசி இயக்கத்தில் ஜிவி பிரகாஷ், சித்தார்த் இணைந்து நடித்த மஞ்சள் பச்சை சிவப்பு படத்தின் மூலம் இசையமைப்பாளராக அறிமுகமானவர் சித்து குமார். அதைத்தொடர்ந்து ஜிவி பிரகாஷ் நடித்த பேச்சுலர் படத்திற்கும் இவர்தான் இசையமைத்தார்.
ஆனால் அதையெல்லாம் தாண்டி நாற்பது கதை கேட்டு தூங்கிய சின்னத்திரை நடிகர் அஸ்வின் நடித்த அடிபொலி என்கிற வீடியோ ஆல்பம் சூப்பர் ஹிட் ஆனது அல்லவா ? அந்த ஆல்பத்திற்கு இசையமைத்தவரும் இவர்தான்
பேச்சுலர் படத்திற்கு இசையமைத்த நேரமோ என்னமோ இவர் விரைவில் திருமண பந்தத்தில் இணைகிறார். ஊட்டியை சேர்ந்த எம்பிஏ பட்டதாரி ராஜி என்பவரை வரும் செப்டம்பர் 9ஆம் தேதி மதுரையில் வைத்து திருமணம் செய்ய இருக்கிறார் சித்து குமார். இது பெற்றோர்களால் நிச்சயிக்கப்பட்ட திருமணம் என்பது குறிப்பிடத்தக்கது.
தற்போது மாறன் இயக்கத்தில் உதயநிதி ஸ்டாலின் நடிக்கும் ’கண்ணை நம்பாதே’, சசி இயக்கத்தில் ஹரிஷ் கல்யாண் நடிக்கும் ‘நூறுகோடி வானவில்’, விவேக் இயக்கத்தில் ஜி.வி.பிரகாஷ் நடிக்கும் படம் 13, லைகா புரொடக்ஷன்ஸ் தயாரிப்பில் ரோஹின் வெங்கடேசன் இயக்கத்தில் ஜெய் மற்றும் ஐஸ்வர்யா ராஜேஷ் நடிக்கும் படம், போஸ் வெங்கட் இயக்கத்தில் விமல் நடிக்கும் படம், அறிமுக இயக்குநர் ஹரி இயக்கத்தில் ரியோ ராஜ் நடிக்கும் படம் உள்ளிட்ட பல படங்களுக்கு இசையமைத்து வரும் சித்து குமார் தமிழ் சினிமாவின் முன்னணி இசையமைப்பாளர்கள் பட்டியலில் விரைவில் இடம் பிடிப்பார் என்று எதிர்ப்பார்க்கப்படுகிறது