மாநாடு படத்தின் மிகப்பெரிய வெற்றியைத் தொடர்ந்து சிம்பு நடிக்கும் படங்களின் மீதான எதிர்பார்ப்பு ரசிகர்களிடம் இரு மடங்கு ஆகிவிட்டது. அந்த வகையில் தற்போது கௌதம் மேனன் இயக்கத்தில் வெந்து தணிந்தது காடு என்கிற படத்தில் நடித்த முடித்து விட்ட சிம்பு, அடுத்ததாக பத்து தல என்கிற படத்தின் படப்பிடிப்பில் கலந்து கொண்டு நடித்து வருகிறார்.
வெந்து தணிந்தது காடு படம் கௌதம் மேனன் சிம்பு கூட்டணியில் உருவாகும் மூன்றாவது படம் என்பதால், ரசிகர்களிடம் இந்த படம் எப்போது வெளியாகும் என்கிற ஆர்வம் அதிகமாகி உள்ளது. இந்த படத்தின் இறுதிக்கட்ட பணிகள் நடைபெற்று வரும் நிலையில் இந்த படத்தின் இசை வெளியீட்டு விழா குறித்து படத்தை தயாரித்துள்ள ஐசரி கணேஷ் புதிய அறிவிப்பை வெளியிட்டுள்ளார்.
வரும் செப்டம்பர் 2ஆம் தேதி பல்லாவரத்தில் உள்ள வேல்ஸ் பல்கலைக்கழகத்தில் இந்த படத்தில் இசை வெளியீட்டு விழா நடைபெற இருக்கிறது. அது மட்டுமல்ல செப்டம்பர் 15ஆம் தேதி இந்த படம் தியேட்டர்களில் ரிலீஸ் ஆகவும் இருக்கிறது. இந்த படத்தை வெளியிடும் உரிமையை ரெட் ஜெயன்ட் மூவிஸ் பெற்றுள்ளது என்பது குறிப்பிடத்தக்கது.