சூப்பர் ஸ்டார் ரஜினிகாந்த் தமிழ் திரையுலகில் நுழைந்து தற்போது 47 ஆண்டுகளை தொட்டுவிட்டார். கிட்டத்தட்ட நான்கு தலைமுறைகளாக நம்பர் ஒன் இடத்தில் அசைக்க முடியாமல் முடிசூடா மன்னனாக கோலாட்சி வருகிறார்.
தமிழ் சினிமாவிற்கான புதுப்புது கதவுகளை திறந்துவிட்டு வியாபார எல்லைகளை விரிவாக்கி உலக அளவில் பெருமைகளையும் பெற்று தந்தது சூப்பர் ஸ்டார் ரஜினிகாந்தின் படங்கள் தான் என்றால் அது மிகை ஆகாது. அவர் திரையுலகில் நுழைந்து 47 ஆண்டுகள் ஆனதை அவரது ரசிகர்கள் மட்டுமல்லது திரையுலகத்தினரும் சேர்ந்து கொண்டாடி வருகிறார்கள்.
இந்த நிலையில் அவரது மூத்த மகள் ஐஸ்வர்யா ரஜினிகாந்த், அப்பா நீங்கள் ஒரு தெய்வக் குழந்தை என்று கூறி தனது தந்தையின் 47 வருட திரை உலக பயணத்திற்கு வாழ்த்துக்களை தெரிவித்துள்ளார்.
அதேசமயம் அவரது இளைய மகள் சௌந்தர்யா தனது தந்தைக்கு வாழ்த்துக்களை தெரிவித்துள்ளதுடன், தனது தாய் லதா குறித்து அறிமுகப்படுத்தும்போது இவர் தான் எங்கள் வீட்டு சூப்பர் ஸ்டார் என்று அவரையும் பெருமைப்படுத்தி மகிழ்ந்துள்ளார்.
இது குறித்த புகைப்படம் ஒன்று தற்போது சோசியல் மீடியாவில் வைரலாகி வருகிறது.