கடந்த 2019ல் வெளியாகி வரவேற்பை பெற்ற படம் ஜீவி. இந்த படத்தின் இரண்டாம் பாகம் தற்போது ஜீவி 2 என்கிற பெயரில் தயாராகியுள்ளது. மாநாடு என்கிற வெற்றி படத்தை தயாரித்த சுரேஷ் காமாட்சி தான் இந்த படத்தையும் தயாரித்துள்ளார்.
விஜே கோபிநாத் இயக்கியுள்ள இந்த படத்தில் முதல் பாகத்தில் நடித்த வெற்றி, அஸ்வினி சந்திரசேகர், ரோகிணி, மைம் கோபி, கருணாகரன் உள்ளிட்ட பலரும் நடித்துள்ளனர். இந்த நிலையில் இந்த படத்தின் டிரைலர் வெளியீட்டு விழா நடைபெற்றது.
இதில் சிறப்பு விருந்தினர்களாக தம்பி ராமையா, பாக்யராஜ் மற்றும் நாம் தமிழர் கட்சியின் ஒருங்கிணைப்பாளர் சீமான் ஆகியோர் கலந்து கொண்டனர்.
இந்த நிகழ்வில் தம்பி ராமையா பேசும்போது, ராஜா கிளி என்கிற படத்தின் மூலம் மீண்டும் தான் இயக்குனராக மாறியுள்ளதாகவும் அதனால் இனி வரும் நாட்களில் படங்களில் நடிப்பதை குறைத்துக்கொள்ள போவதாகவும் கூறினார்.
அதற்குப்பின் பேசிய சீமான் தம்பி ராமையாவை பார்த்து இதுபோன்று படங்களில் நடிப்பதை குறைத்துக் கொள்வதாக பேசக்கூடாது. தொடர்ந்து படங்களில் நடிக்க வேண்டும். அப்படி செய்யாவிட்டால் உங்கள் வீட்டு முன் முற்றுகை போராட்டம் நடத்துவோம் என்று அன்பாக தனது கண்டிப்பை வெளிப்படுத்தினார்.
இந்த படம் வரும் ஆகஸ்ட் 19ஆம் தேதி ஆஹா தமிழ் டிஜிட்டல் தளத்தில் நேரடியாக ஒளிபரப்பாகிறது.