இந்த வாரம் தமிழ் சினிமாவில் குருதி ஆட்டம், காட்டேரி, பொய்க்கால் குதிரை, வட்டகரா, எண்ணித் துணிக மற்றும் சீதாராமன் என ஆறு படங்கள் வெளியாகி உள்ளன. இதில் ஆக்சன் பின்னணியில் ஜெய் நடிப்பில் உருவாகியுள்ள எண்ணி துணிக திரைப்படம் ஓரளவு ரசிகனிடம் வரவேற்பு பெற்றுள்ளது.
அதே சமயம் இந்த ஆறு படங்களில் சீதாராமம் படம் அனைத்து தரப்பு ரசிகர்களையும் கவர்ந்துள்ளது. இதற்கு மீடியாவிலும் ரசிகர்களிடமும் என பாசிட்டிவான விமர்சனங்கள் கிடைத்து வருகின்றன. துல்கர் சல்மான், மிருணாள் தாக்கூர் மற்றும் ராஷ்மிகா மந்தனா ஆகியோர் நடித்து தெலுங்கில் உருவாகி உள்ள இந்த படம் தமிழிலும் வெளியானது.
தெலுங்கு இயக்குனர் ஹனுராகவபுடி இந்த படத்தை இயக்கியுள்ளார். ராணுவ பின்னணி கலந்த காதல் கதையாக வித்தியாசமான கதைக்களத்தில் வித்தியாசமான கோணத்தில் இந்தப்படம் உருவாகி உள்ளதால் ரசிகர்களை இந்த படம் எளிதாக கவர்ந்து விட்டது என திரையரங்கு வட்டாரத்தில் சொல்லப்படுகிறது.