நடிகர் விஜய் சார்பில் அவரது நற்பணி மக்கள் இயக்கத்தை சேர்ந்த ரசிகர்கள், மன்ற தலைவர் புஸ்ஸி ஆனந்த் அவர்களின் வழிகாட்டுதலுடன் பல நற்பணி செயல்களில் ஈடுபட்டு வருகின்றனர். ஏழைகளுக்கு உணவு மாணவர்களுக்கு கல்வி வசதி உள்ளிட்ட பல உதவிகளை பிரதிபலன் எதிர்பாராமல் செய்து வருகின்றனர்.
அந்த வகையில் ஏழை மக்களின் பசி தீர்க்கும் விதமாக துவங்கப்பட்டது தான் விலையில்லா விருந்தகம். இது துவங்கப்பட்டு கிட்டத்தட்ட மூன்று வருடங்கள் அதாவது 1000 ஆவது நாளை தொட்டுள்ளது.
தளபதி அவர்களின் உத்தரவின்படி தஞ்சாவூர் மாவட்ட தலைமை மக்கள் இயக்கம் சார்பில் நடைபெறும் விலையில்லா விருந்தகத்தின் 1000வது நாளை முன்னிட்டு பொதுச்செயலாளர் திரு. புஸ்ஸி N.ஆனந்து அவர்கள் கலந்துகொண்டு மதிய உணவினை வழங்கினார்.