சுல்தான் படத்தை தொடர்ந்து கிட்டத்தட்ட ஒரு சிறிய இடைவெளிக்கு பிறகு கார்த்தி நடிப்பில் அடுத்ததாக வெளியாக இருக்கும் படம் விருமன். ஏற்கனவே கார்த்தியை வைத்து கொம்பன் என்கிற ஹிட் படத்தை கொடுத்த முத்தையா தான் இந்த படத்தையும் இயக்கியுள்ளார். இந்த படத்தில் இயக்குனர் சங்கரின் மகள் அதிதி கதாநாயகியாக அறிமுகமாகிறார்.
யுவன் சங்கர் ராஜா இசையமைக்கும் இந்த படம் தேனி மாவட்டத்தில் உள்ள கிராமங்களின் பின்னணியில் கதை நடப்பதாக உருவாக்கி உள்ளது. இந்த படத்தின் இசை வெளியீட்டு விழா வரும் ஆகஸ்ட் மூன்றாம் தேதி மதுரையில் நடைபெற இருக்கிறது.
இந்த படம் வரும் ஆகஸ்ட் 31ஆம் தேதி வெளியாக இருந்த நிலையில் தற்போது முன்கூட்டியே ஆகஸ்ட் 12ஆம் தேதி வெளியாவதாக அறிவிக்கப்பட்டுள்ளது. ஏற்கனவே இதே தேதியில் விக்ரம் நடித்துள்ள கோப்ரா திரைப்படம் தனது ரிலீஸ் தேதியை அறிவித்திருந்தது. தற்போது அந்த படத்தின் ரிலீஸ் தேதி தள்ளிப்போவதால் அதே தேதியில் விருமன் தனது ரிலீஸை அறிவித்துவிட்டது.