விஜய், தனுஷ், சிவகார்த்திகேயன் என தமிழின் முன்னணி நடிகர்கள் தற்போது தெலுங்கு திரையுலகிலும் நேரடி படங்களில் நடிக்க துவங்கியுள்ளனர். அப்போது அந்த பட்டியலில் இணைந்துள்ள நடிகர் விஷ்ணு விஷாலும் தெலுங்கில் கட்டா குஸ்தி என்கிற படத்தில் நடித்து வருகிறார்
இந்தப்படத்தை தெலுங்கு முன்னணி நடிகர் ரவிதேஜா தயாரிக்கிறார். இதற்கு முன்னதாக விஷ்ணு விஷால் நடிப்பில் வெளியான எப்ஐஆர் படத்தை தெலுங்கில் வெளியிட்டவர் ரவி தேஜா தான்.
செல்லா அய்யாவு என்பவர் இயக்கும் இந்த கட்டா குஸ்தி படம் மல்யுத்தத்தை மையப்படுத்தி உருவாகி வருகிறது. தெலுங்கில் இந்தப்படம் மட்டி குஸ்தி என்கிற பெயரில் தயாராகிறது
இந்த படத்தில் கதாநாயகியாக ஐஸ்வர்ய லட்சுமி நடிக்கிறார். தெலுங்கு படம் என்றாலும் படப்பிடிப்பு பெரும்பாலும் தமிழ்நாட்டிலேயே நடைபெற்று வருகிறது. இந்த நிலையில் இந்த படத்தின் படப்பிடிப்பில் விஷ்ணு விஷால் தன்னுடைய பிறந்தநாளை கொண்டாடியுள்ளார்.
இது குறித்த புகைப்படங்கள் தற்போது சோசியல் மீடியாவில் வெளியாகி உள்ளது