விஜய் ஆண்டனி தற்போது பல படங்களில் தொடர்ந்து நடித்து வந்தாலும் அவரது அடுத்த படமாக ரிலீஸ் ஆக இருப்பது கொலை படம்தான் என்பது கிட்டத்தட்ட உறுதியாகியுள்ளது. அதற்கேற்ற வகையில் இந்த படத்தின் புரமோஷன் பணிகளில் ஒரு பகுதியாக இந்த படத்தின் கதாபாத்திர போஸ்டர்கள் தொடர்ந்து வெளியிடப்பட்டு வருகின்றன.
இதில் முக்கிய கதாபாத்திரத்தில் நடிக்கும் ராதிகா ஆங்கிலோ இந்தியன் கெட்டப்பில் கையில் சிகரெட் வைத்தபடி இருக்கும் போஸ்டர் சமீபத்தில் வெளியாகி ஆச்சரியத்தை ஏற்படுத்தியது.
படத்தில் கதாநாயகிகளாக ரித்திகா சிங் மற்றும் மீனாட்சி சவுத்ரி ஆகியோர் நடிக்கின்றனர். அதேபோல இந்த படத்தில் ஜான்விஜய், முரளி சர்மா ஆகியோர் முக்கிய கதாபாத்திரத்தில் நடிக்கின்றனர்.
வித்தியாசமான துப்பறியும் கதை அம்சம் கொண்ட கிரைம் திரில்லர் படமாக இது உருவாகி வருகிறது என்பது படத்தில் விஜய் ஆண்டனியின் கெட்டப்பை பார்க்கும்போது நன்றாக தெரிகிறது.