கோலிசோடா, பத்து எண்றதுக்குள்ள, கடுகு உள்ளிட்ட படங்களை இயக்கியவர் ஒளிப்பதிவாளரும் இயக்குனருமான விஜய்மில்டன். தற்போது விஜய் ஆண்டனி மற்றும் சரத்குமார் இணைந்து நடிக்கும் மழை பிடிக்காத மனிதன் என்கிற படத்தை இயக்கி வருகிறார்.
இந்த படத்தின் போஸ்ட் புரொடக்ஷன் பணிகள் தற்போது விறுவிறுப்பாக நடைபெற்று வருகிறது. இந்த படத்தில் விஜய் ஆண்டனி உடன் இணைந்து பயணிக்கும் ஒரு கதாபாத்திரமாக கன்னட நடிகர் பிரித்வி அம்பர் என்பவர் நடித்துள்ளார். படப்பிடிப்பின்போது சிறந்த நடிப்பை பிரித்வி அம்பர் வழங்கினாலும் அவரால் தமிழில் தன்னுடைய கதாபாத்திரத்திற்கு ஏற்றபடி டப்பிங் பேச இயலவில்லை.
இதனை தொடர்ந்து அவரது கதாபாத்திரத்திற்கு நடிகர் நகுலை அழைத்து டப்பிங் பேச வைத்துள்ளார் விஜய்மில்டன். இந்த படத்தில் மேகா ஆகாஷ் கதாநாயகியாகவும் சரண்யா பொன்வண்ணன், முரளி சர்மா, தலைவாசல் விஜய் உள்ளிட்ட பலர் முக்கிய வேடங்களிலும் நடித்துள்ளனர்.