கடந்த சில வருடங்களுக்கு முன் மிஸ்கின் இயக்கத்தில் வெளியான பிசாசு படம், வழக்கமான பேய் படங்களில் இருந்து முற்றிலும் மாறுபட்டு பாசிட்டிவாக எடுக்கப்பட்டிருந்தது. ரசிகர்களிடம் வரவேற்பையும் பெற்றது. பிசாசுவாக பிரயாகா மார்ட்டின் நடித்திருந்தார்.
இந்நிலையில் பிசாசு-2 படத்தையும் இயக்க ஆரம்பித்து படத்தை முடித்தும் விட்டார் மிஸ்கின். இந்தப்படத்தில் கதாநாயகனாக விஜய்சேதுபதி நடிக்க, .கதாநாயகிகளாக ஆண்ட்ரியா மற்றும் பூர்ணா ஆகியோர் நடிக்கின்றனர்.
கடந்த சில மாதங்களுக்கு முன் வெளியான இந்தப்படத்தின் டீசரே வித்தியாசமாக கவனம் ஈர்ப்பதாக இருந்தது,
தமிழ், தெலுங்கில் தயாராகியுள்ள இந்தப்படம் தெலுங்கில் பிசாசி 2 என்கிற பெயரில் வெளியாக இருக்கிறது. இந்தநிலையில் இந்தப்படத்தின் தெலுங்கு பதிப்புக்கும் ஆண்ட்ரியாவே தனது சொந்தக்குரலில் டப்பிங் பேசியுள்ளார். தெலுங்கில் அவர் முதன்முதலாக டப்பிங் பேசுகிறார் என்பது குறிப்பிடத்தக்கது.