இப்போதெல்லாம் படத்தில் வெற்றியை வெறும் கேக் வெட்டி கொண்டாடுவதுடன் மட்டும் நின்றுவிடாமல் படத்தில் பணியாற்றிய இயக்குனர் உள்ளிட்ட பலருக்கும் படத்தின் தயாரிப்பாளர்கள் அல்லது படத்தின் ஹீரோவோ பரிசளித்து கௌரவிப்பது என்பது வாடிக்கையாகி விட்டது.
விக்ரம் படத்தின் வெற்றிக்காக கமல் இயக்குனர் லோகேஷ் கனகராஜுக்கு கார் பரிசளித்தார். அவரின் உதவி இயக்குனர்களுக்கு விலை உயர்ந்த இருசக்கர வாகனங்களை வாங்கி கொடுத்தார்.
அதேபோல வீட்ல விசேஷம் படத்தின் ஹீரோவும் இயக்குனர்களில் ஒருவருமான ஆர்ஜே பாலாஜி அந்த படத்தின் வெற்றிக்காக அதில் பணியாற்றியவர்களுக்கு பரிசுகளை வழங்கி கௌரவித்தார். இந்த நிலையில் தற்போது சிபிராஜ் இயக்கத்தில் வெளியாகி உள்ள மாயோன் திரைப்படமும் ரசிகர்களிடம் வரவேற்பு பெற்றுள்ளது.
இதை தொடர்ந்து இந்த படத்தின் வெற்றியை கொண்டாடிய படக்குழுவினர் அதன் அடுத்த கட்டமாக மாயோன் 2 திரைப்படமும் உருவாக இருக்கிறது என்கிற அறிவிப்பை வெளியிட்டனர்.
இது ஒரு பக்கம் இருக்க படத்தின் ஹீரோ சிபிராஜ் இயக்குனர் கிஷோருக்கு தங்க சங்கிலி அணிவித்து தனது மகிழ்ச்சியை வெளிப்படுத்தி உள்ளார்.