மலையாள திரையுலகை சேர்ந்தவர் என்றாலும் நடிகர் பிரித்திவிராஜ் தமிழில் கனாக்கண்டேன் என்கிற படத்தில் அதிரடி வில்லனாக அறிமுகமாகி தமிழ் ரசிகர்களையும் கவர்ந்தார் அதற்கு அடுத்ததாக மொழி படத்தில் நடித்து பாராட்டுக்களை பெற்ற அவர் அவ்வப்போது தமிழ் படங்களில் நடித்து வந்தார்.
பின்னர் காவியத்தலைவன் படத்திற்கு பிறகு தமிழில் அவர் படம் எதுவும் நடிக்கவில்லை. இந்தநிலையில் மலையாளத்தில் அவர் தற்போது நடித்துள்ள கடுவா திரைப்படம் தமிழ் உட்பட தென்னிந்திய மொழிகள் அனைத்திலும் உருவாகி இருக்கிறது. இந்த படத்தை பிரபல இயக்குனர் ஷாஜி கைலாஷ் இயக்கியுள்ளார் இவர் தமிழில் வாஞ்சிநாதன் ஆஞ்சநேயா உள்ளிட்ட படங்களை இயக்கியவர் நடிகர் ஆர்கே அவை எல்லாம் அவன் செயல் படம் மூலம் நடிகராக அறிமுகப்படுத்தியதும் இவர்தான்
ஜூன் 30-ஆம் தேதி கடுவா திரைப்படம் வெளியாவதாக அறிவிக்கப்பட்டிருந்தது இதைத் தொடர்ந்து கடந்த சில நாட்களாக புரமோஷன் நிகழ்ச்சிகளில் பங்கேற்று வந்த பிரித்திவிராஜ், சென்னையில் நடைபெற்ற நிகழ்விலும் கலந்துகொண்டு படம் குறித்த தகவல்களை பகிர்ந்து கொண்டார்.
இந்தநிலையில் ஒரு சில காரணங்களால் இந்த படம் தற்போது ஜூலை 7ஆம் தேதி ரிலீஸாகும் என தேதியை மாற்றி அறிவித்திருக்கிறார் பிரித்திவிராஜ்.
இதுவரை கதைக்கும் கதாபாத்திரத்துக்கும் முக்கியத்துவம் கொடுத்து சாப்ட்டான படங்களில் நடித்து வந்த பிரித்திவிராஜ் இப்போது நீண்ட இடைவெளிக்கு பிறகு இந்த படத்தில் ஆக்ஷன் அவதாரம் எடுத்துள்ளார். அதனால் இந்த படத்திற்கு ரசிகர்களிடம் மிகப்பெரிய எதிர்பார்ப்பு எழுந்துள்ளது.