சந்தானம் நடித்த ஏ1 மற்றும் ஹாரிஸ் ஜெயராஜ் ஆகிய படங்களை இயக்கியவர் ஜான்சன். இவர் அடுத்ததாக மீண்டும் முழு நீள நகைச்சுவை படம் ஒன்றை இயக்குகிறார். யோகிபாபு கதாநாயகனாக நடிக்கும் இந்த படத்திற்கு மெடிக்கல் மிராக்கிள் என டைட்டில் வைக்கப்பட்டுள்ளது.
இந்த படத்தை இயக்குவதுடன் ஏ1 புரொடக்சன் மூலமாக தயாரிப்பாளராகவும் மாறியுள்ளார் இயக்குனர் ஜான்சன். இந்த படத்தில் யோகிபாபு ஓலா டிரைவர் கதாபாத்திரத்தில் நடிக்கிறார் அவருக்கு ஜோடியாக தர்ஷா குப்தா கதாநாயகியாக நடிக்கிறார்.
மற்றும் மன்சூர் அலிகான், சித்தார்த் விபின், சேஷு மதுரை முத்து, டிஎஸ்ஆர் கேபிஒய் பாலா, ஆகியோர் முக்கிய கதாபாத்திரங்களில் நடிக்கின்றனர். இந்த படத்திற்கு சித்தார்த் விபின் இசை அமைக்கிறார். முழுக்க முழுக்க அரசியல் காமெடியாக உருவாக உள்ள மெடிக்கல் மிராக்கிள் படத்தின் படப்பிடிப்பு பூஜையுடன் துவங்கியுள்ளது.