கார்த்தி நடிப்பில் இந்த வருடம் அடுத்தடுத்து 3 படங்கள் வெளியாக இருக்கின்றன. அதில் முதலாவதாக வெளியாக இருக்கும் படம் விருமன். வரும் ஆகஸ்ட் 31-ஆம் தேதி இந்தப் படம் வெளியாக இருக்கிறது. இந்த படத்தை இயக்குனர் முத்தையா இயக்கியுள்ளார். கொம்பன் என்கிற வெற்றிப் படத்தை தொடர்ந்து கார்த்தியும் முத்தையாவும் இந்த படத்தில் இணைந்துள்ளார்கள்.
இன்னொரு விசேஷம் என்னவென்றால் இயக்குனர் ஷங்கரின் மகள் அதிதி ஷங்கர் இந்த படத்தில் கதாநாயகியாக அறிமுகமாகி இருக்கிறார். மற்றும் ராஜ்கிரண், பிரகாஷ்ராஜ் உள்ளிட்ட பல நட்சத்திரங்கள் இந்தப் படத்தில் நடித்துள்ளனர். தேனி மாவட்டத்தை கதைக்களமாகக் கொண்டு இந்த படம் உருவாகியுள்ளது.
இந்த படத்திற்கு யுவன் சங்கர் ராஜா இசையமைத்துள்ளார். சில வாரங்களுக்கு முன்பு இந்த படத்திலிருந்து கஞ்சா பூவு கண்ணாலே என்கிற பாடல் வெளியிடப்பட்டது. தற்போது இந்த பாடல் 8 மில்லியன் பார்வையாளர்கள் என்கிற சாதனையை தொட்டுள்ளது.