முதல் படம் வெளியாவதற்கு முன்பே இரண்டாவது படத்தில் கூட்டணி சேர்ந்த ஹீரோவும் இயக்குநரும்
பொதுவாகவே சினிமாவில் ஒரு இயக்குனரும் ஹீரோவும் இணைந்து பணியாற்றி அந்த படம் வெற்றிகரமாக அமைந்தால் அடுத்த படத்திலும் அவர்கள் இணைந்து பணியாற்றுவதை பார்த்திருக்கிறோம். அதேசமயம் இப்படி இயக்குனரும் ஹீரோவும் ஒரு படத்தில் ஒன்றாக வேலை பார்த்து அந்த படம் இன்னும் ரிலீஸாகாத நிலையில் மீண்டும் அடுத்த படத்தில் இருவரும் இணைந்து பணியாற்றுவதாக அறிவிப்பு வெளியாவதும் முதல் படம் வெளியாவதற்கு முன்பே இந்த படத்தின் படப்பிடிப்பு துவங்குவதும் சினிமாவில் எப்போதாவது நடக்கும் அதிசய நிகழ்வுகள்.
ஆனால் அதை நிஜமாக்க இருக்கிறார்கள் தெலுங்கு சினிமாவின் பிரபல இயக்குனர் பூரி ஜெகன்நாத்தும் இளம் முன்னணி ஹீரோவான விஜய் தேவரகொண்டாவும் ஏற்கனவே லைகர் என்கிற படத்தில் பூரி ஜெகன்நாத் இயக்கத்தில் விஜய் தேவரகொண்டா நடித்துள்ளார். இந்த படத்தின் போஸ்ட் புரடொக்சன் பணிகள் நடைபெற்று வருகின்றன.
படமும் ரிலீசுக்கு தயாராகி வரும் நிலையில் ஏற்கனவே சில மாதங்களுக்கு முன்பு இவர்கள் இருவரும் மீண்டும் ஜனகணமன என்கிற படத்தில் இணைவதாக அறிவித்திருந்தனர்.
இந்த நிலையில் இந்த படத்தின் படப்பிடிப்பு தற்போது துவங்கியுள்ளது. இந்த படத்தில் கதாநாயகியாக பூஜா ஹெக்டே நடிக்கிறார். விஜய் தேவரகொண்டாவும் பூஜா ஹெக்டேவும் முதன்முறையாக இணைந்து நடிக்கிறார்கள் என்பது குறிப்பிடத்தக்கது. இந்த படத்தை நடிகை சார்மி கபூர் தயாரிக்கிறார்.