லோகேஷ் கனகராஜ் இயக்கத்தில் கமல் நடிப்பில் உருவாகியுள்ள விக்ரம் திரைப்படம் வரும் ஜூன் மூன்றாம் தேதி திரையரங்குகளில் வெளியாக இருக்கிறது. பஹத் பாசில், விஜய்சேதுபதி, நரேன், காளிதாஸ் ஜெயராம் என இளம் நட்சத்திரங்களின் கூட்டணியுடன் உருவாகியுள்ள இந்த படத்திற்கு அனிருத் இசையமைத்துள்ளார்.
கேங்ஸ்டர் பாணியில் உருவாகியுள்ள இந்த படம் பான் இந்தியா படமாக வெளியாக இருக்கிறது. இதை தொடர்ந்து இந்த படத்தின் புரமோஷன் நிகழ்ச்சிகளுக்காக கமல் மும்பை, ஹைதராபாத், கேரளா என மாறிமாறி பறந்து வருகிறார்.
இந்த நிலையில் கேரளாவில் இந்த புரமோஷன் நிகழ்ச்சியில் கலந்து கொண்ட கமல் அதன் ஒரு பகுதியாக தற்போது மலையாளத்தில் நடைபெற்று வரும் பிக்பாஸ் நிகழ்ச்சியில் கலந்துகொண்டு இந்த படத்தை புரமோட் செய்துள்ளார்.
மலையாள பிக்பாஸ் நிகழ்ச்சியை நடத்தி வரும் மோகன்லால் ஏற்கனவே 10 வருடங்களுக்கு முன்பு கமலுடன் உன்னைப் போல் ஒருவன் என்கிற படத்தில் இணைந்து நடித்திருந்தார் என்பது குறிப்பிடத்தக்கது.
மேலும் மம்முட்டியுடன் வருங்காலத்தில் ஒரு படத்தில் இணைந்து நடிக்க வேண்டும் என்கிற தன்னுடைய ஆசையையும் வெளிப்படுத்தினார் கமல்