கமல் நடிப்பில் நான்கு வருட இடைவெளிக்குப் பிறகு வெளியாக இருக்கும் திரைப்படம் விக்ரம். 30 வருடங்களுக்கு முன்பு அவர் நடித்த விக்ரம் படத்தின் டைட்டிலிலேயே இந்த படம் உருவாகி இருக்கிறது. வரும் ஜூன் 3ஆம் தேதி வெளியாக உள்ள இந்தப்படத்தை இளம் முன்னணி இயக்குனர் லோகேஷ் கனகராஜ் இயக்கியுள்ளார்.
விஜய்சேதுபதி, பஹத் பாசில், நரேன், காளிதாஸ் ஜெயராம் உள்ளிட்ட பல பிரபல நட்சத்திரங்கள் இந்தப்படத்தில் நடித்துள்ளனர் இந்தப்படம் கேங்க்ஸ்டர் பாணியிலான படமாக உருவாகி இருக்கிறது என்பது இந்த படத்தின் டிரைலரை பார்க்கும் போதே தெரிகிறது. குறிப்பாக சண்டைக் காட்சிகளுக்கு அதிக முக்கியத்துவம் கொடுக்கப்பட்டு இந்த படம் உருவாகியுள்ளது.
சமீபத்தில் இந்த படத்தை பார்த்த சென்சார் அதிகாரிகள் படத்திற்கு யு/ஏ சான்றிதழ் வழங்கியுள்ளனர். இந்த நிலையில் படத்தின் புரமோஷன் நிகழ்ச்சிக்காக ஹைதராபாத், மும்பை என மாற மாறி பறந்து வருகிறார் படத்தின் நாயகனும் தயாரிப்பாளருமான கமல்ஹாசன்.